ملوخيه بقطع الشيش جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة.
- كيلو ملوخيه
- 0.5 كيلو صدور دجاج
- ملح فلفل كزبره يابسه وبابريكا
- راس توم كامل
- حزمه كزبره خضره
- سمنه وزيت
- 1 منقي لملوخيه ومنغسلها منيح ومنعصرها منيح من المي منفردها على قماشه نضيفه حتى تنشف وتدبل تركتها 3 تيام حتى دبلت ونشفت وبتركها لوقت الطبخ
- 2 بقطع صدور الدجاج مكعبات بغسلهم وبصفيهم بعدين بقليهم بزيت وبضيف ملعقه صغيره ملح وفلفل وبابريكا وكزبره يابسه وبقلبن
- 3 بقشر التوم ونص بقطعو بسكينه شرحات صغيره وبقلبو مع قطع الشيش
- 4 بكون ناقعه الملوخيه بلمي حتى تطرى بعصرها منيح من المي وبنزلها فوق الدجاج بطنجره وبقلبها وبضيف ملعقه سمنه
- 5 بقلبها شوي مع بعض وبعدين بصب عليها كاسه مرقه دجاج اذا مو موجوده بدوب مكعبين مرق بكاسه مي وبتركها تستوي ع نار هاديه
- 6 بعد نص ساعه تقريبا بتكون استوت بهرس التوم وبفرم الكزبره الخضرا وبضيفن عليها وبقلبن تقلبتين وبطفي الغاز
-
7
وبقدمها مع رز والخبز والليمون وبالعافيه
يجب عليك تسجيل الدخول لتتمكن من التعليق وإضافة تجربتك لهذه الوصفه
